2025 оны Дэлхийн Энх Тайвны Индексийн тайлангаар Монгол Улс 163 орноос 37-р байр эзэлж, өмнөх оноос найман байр ахин, аюулгүй байдлын хувьд онцлох дэвшил гаргалаа.
Австралийн Эдийн Засаг ба Энх Тайвны Хүрээлэн (IEP)-ээс жил бүр гаргадаг энэхүү индексээр Исланд 2008 оноос хойш тасралтгүй тэргүүлж байна. Исландын онцлог нь:
- Цэрэгжилтийн түвшин хамгийн бага
- Зөрчил мөргөлдөөнгүй
- Цагдаа нар зэвсэггүй ажилладаг
Жагсаалтын хоёрдугаар байранд Ирланд, гуравдугаарт Шинэ Зеланд (хоёр байр ахисан) орсон бол Австри, Швейцарь улсууд төвийг сахих бодлого, энхийг сахиулах уламжлалаараа эхний тавд багтжээ.
Монголын амжилт
Монгол Улс найман байр ахиж 37-д жагссан нь олон улсад аюулгүй байдлын түвшин нэмэгдсэнийг харуулж байна. Судалгааны гол онцлох үзүүлэлтүүд:
- Зэвсэгт мөргөлдөөнөөс ангид байдал
- Терроризмын эрсдэл бага
- Цэрэгжилтийн дунд зэргийн түвшин
- Гэмт хэргийн хувь буурч буй
Индексийн онцлог
Дэлхийн Энх Тайвны Индексийг 23 үзүүлэлтээр тооцдог бөгөөд үүнд гэмт хэргийн түвшин, терроризмын эрсдэл, цэрэгжилт, улс төрийн тогтвортой байдал зэрэг орно. 2025 оны тайланд дэлхий даяар зэвсэгт мөргөлдөөн, батлан хамгаалахын зардал нэмэгдэж буй хэдий ч зарим улс тогтвортой байдлаа хадгалж байгаа нь эерэг дохио гэжээ.
