Монгол Улсын хөрөнгө оруулалт, бизнесийн орчны үзүүлэлтээр дэлхийн 184 орны дунд байр сууриа тогтоосон байна. Энэ нь манай улсад бизнес эхлүүлэхэд олон шат дамжлага шаарддаг, хөрөнгө оруулагчийн эрхийг хангах эрх зүйн орчин сул, өмч хөрөнгөө хамгаалах баталгаа хангалтгүй байгааг харуулж байна.
Энэ нөхцөлд Тэргүүн шадар сайд, Эдийн засаг, хөгжлийн сайд Н.Учрал санаачлан “Эдийн засгийн эрх чөлөөний тухай” хуулийн төслийг боловсруулж, олон нийтээс санал авч эхэлжээ. Өнөөдөр тус яам, МҮХАҮТ-тай хамтран хувийн хэвшлийн төлөөллүүдийн дунд уг төслийг хэлэлцүүлсэн байна.
Төслийн гол зорилго нь хөрөнгө оруулалт, бизнесийн үйл ажиллагаанд чиглэсэн хууль тогтоомжуудын үндсэн, малгай хууль болж, бизнес эрхлэгчдийн эрх ашгийг хамгаалах эрх зүйн баталгааг бүрдүүлэхэд оршиж байна.
Шинэ хуулийн хүрээнд:
- Бизнес эрхлэгч, хөрөнгө оруулагчдын бие махбодь, хөрөнгөд хууль бусаар халдахыг хориглоно.
- Үйл ажиллагааг нь хууль бусаар тасалдуулах, үндэслэлгүй хяналт шалгалт хийхийг хориглоно.
- Хуулиас давсан дүрэм журам батлахыг зогсооно.
- Төр ба хувийн хэвшлийн хамтын зөвлөлдөх механизмыг бүрдүүлж, бизнесийн эрх ашгийг хамгаална.
