Монгол Улсын Ерөнхий сайд, Улсын хошой баатар, Маршал Хорлоогийн Чойбалсангийн нэрэмжит улс, аймгийн цолтой 128 бөхийн барилдаан энэ бямба гарагт Монгол бөхийн өргөөнд зохион байгуулагдана.
Барилдаанд оролцох бөхчүүдийг дөрөвдүгээр сарын 10, 11-ний өдрүүдэд 10:00–17:00 цагийн хооронд цахимаар бүртгэх бөгөөд барилдаанд зөвхөн улс, аймгийн алдар цолтой хүчтэнүүд зодоглох юм.
Энэхүү барилдаан нь Маршал Х.Чойбалсангийн түүхэн гавьяа, үндэсний бөхийн спортод оруулсан дэмжлэгийг хүндэтгэх зорилготой билээ. Мөн зохион байгуулагчдын зүгээс үзэгчдийн дундаас гурван азтан тодруулж, урамшуулал олгохоор төлөвлөсөн байна.
