Bloomberg-ийн шинжээч Марк Гурманы мэдээлснээр Apple компанийн MacBook Pro цувралд томоохон шинэчлэлт хийгдэж, M6 Pro болон M6 Max чиптэй шинэ загварууд ойрын жилүүдэд гарна.
Шинэ MacBook Pro загварууд мэдрэгчтэй OLED дэлгэц, илүү нимгэн биетэй болж, өмнөх үеийн “челка” хэлбэрийн зүсэлтийг iPhone-д анх ашигласан Dynamic Island технологиор сольж өгнө.
Хамгийн том технологийн дэвшил нь — 5G гар утасны сүлжээ дэмжих боломж. Энэ нь MacBook-ийн түүхэнд анх удаа нэвтрэх үзэгдэл бөгөөд Apple өмнө нь зөөврийн компьютерууддаа ямар ч төрлийн мобайл модем оруулж байгаагүй.
Том шинэчлэл нь зөвхөн дээд зэрэглэлийн MacBook Pro моделуудад хамаарах бол үндсэн 14 инчийн хувилбар нь M6 процессор авч, дизайнаа бараг өөрчлөхгүй хэвээр үлдэнэ.
Одоогоор Apple дараах гурван төрлийн MacBook Pro загварыг санал болгож байна:
- 14 инчийн үндсэн загвар
- M4 Pro болон M4 Max чиптэй 14 инчийн сайжруулсан загвар
- Ижил процессортой 16 инчийн загвар
Шинэ хувилбаруудын гол ялгаа нь хөргөлтийн системд оршино: үндсэн загварт нэг, харин Pro болон Max хувилбаруудад хоёр сэнс байх бөгөөд энэ нь илүү хүчтэй хөргөлт өгнө.
