УИХ-ын гишүүн М.Нарантуяа (Нара) өөрийн цахим хуудсаараа дамжуулан УИХ дахь эмэгтэй гишүүдийн чат доторх маргаантай холбоотойгоор гишүүн А.Ариунзаяатай муудалцсан чатаа олон нийтэд дэлгэв.
Маргааны шалтгаан юу байв?
М.Нарантуяа Туркт хоёр дахь хагалгаандаа орж буй зургаан сартай нярай охинд санхүүгийн дэмжлэг үзүүлэхийг эмэгтэй гишүүдийн бүлгийн чатад уриалсан байна. Уг уриалгыг хэд хэдэн гишүүн дэмжсэн ч, УИХ-ын гишүүн А.Ариунзаяа эсэргүүцэж, “бид ингэх гэж суугаагүй” хэмээн үзэл бодлоо илэрхийлснээр маргаан үүсжээ.
Нарагийн хариу байр суурь
Нара өөрийн байр сууриа илэрхийлж, “би хэл ам хурц ч зүрх сэтгэлтэй хүн” хэмээн тодорхойлжээ. Тэрээр олон нийтэд зориулан дараах гол санааг илэрхийлсэн:
- Хүнд нөхцөлд байгаа нялх охинд туслахыг уриалсан нь сэтгэлийн хандлага байжээ
- А.Ариунзаяаг өмнө нь сайд байхдаа ийнхүү санаачилга гаргахгүй яасан юм бэ хэмээн шүүмжилсэн
- Хувийн цахим хуудсаа хэрхэн ашиглахыг хэн нэгэн заах ёсгүй хэмээн үзсэн
- Төрийн албан тушаалтан хувийн үзэл бодол руу халдахыг “диктатур” гэж нэрлэсэн
“Хүний хувийн өмчийг яаж ашиглахыг МАН-ын диктатур мэддэггүй юм шүү!”
“Маньд танай диктатур түй ч хамаагүй шүү, Ариунзаяа гуай!”
Маргааныг тойрсон олон нийтийн анхаарал
М.Нарантуяагийн ил тод бичвэр олон нийтийн анхаарлыг татаж, эмэгтэй гишүүдийн бүлгийн дотоод харилцаа, эмзэг сэдвүүдэд хандах төрийн хандлагын талаар шүүмжлэл, маргаан дагуулж байна. Тэрээр өөрийг нь шүүмжилсэн бичвэрийг А.Ариунзаяа устгасан гэж үзэж, “урьдчилан СS хийсэн байх” хэмээн таамаг дэвшүүлсэн юм.
