“Лос-Анжелес Лейкерс” багийн довтлогч Леброн Жэймс Үндэсний сагсан бөмбөгийн холбооны түүхэнд төрсөн хүүдээ оновчтой дамжуулалт (assist) өгсөн анхны тоглогч болж, шинэ дээд амжилт тогтоолоо.
3 дугаар сарын 28-ны өдөр “Лейкерс” баг талбайдаа “Бруклин Нетс”-ийг хүлээн авч, 116:99 харьцаатайгаар буулган авсан юм. Тоглолтын хоёрдугаар үеийн дундуур Леброн өөрийн хүү Бронни Жэймст гоол оруулах боломж олгож, оновчтой дамжуулалт өгчээ. Уг тоглолтод Леброн Жэймс 14 оноо, 6 самбараас бөмбөг авалт, 8 дамжуулалт гүйцэтгэсэн бол Бронни Жэймс 3 оноо авсан байна.
Өдгөө 41 настай Леброн Жэймс НБА-д дөрвөн удаа түрүүлж, улирлын болон плей-оффын финалын цувралын “Үнэ цэнтэй тоглогч”-оор (MVP) тус бүр дөрвөн удаа тодорч байсан домогт тамирчин юм. Тэрээр лигийн бүх цаг үеийн онооны рекорд болон хамгийн олон улирал тоглосон амжилтыг ганцаараа эзэмшдэг бөгөөд энэ жил НБА- дахь 23 дахь улиралдаа тоглож байна.
Харин түүний хүү, 21 настай Бронни Жэймс 2024 оны НБА-ын драфтын 55 дахь сонголтоор лигт орж ирсэн юм. Тэрээр 2024 оны 7 дугаар сарын 3-нд “Лейкерс” багтай шинэ тоглогчийн гэрээ байгуулсан бөгөөд өмнө нь Сьерра-Каньон ахлах сургуулийн багт тоглож байсан туршлагатай билээ.
