“KASCAP 2025” хөтөлбөр нь хөгжлийн бэрхшээлтэй залуусын нийгэм, улс төрийн идэвхтэй оролцоог дэмжих, манлайллыг хөгжүүлэх, тэдний дуу хоолойг нийгэмд хүргэхэд туслах зорилгоор зохион байгуулагдаж байна. Уг хөтөлбөр нь тэгш боломж, хүний эрхийг хангах, нийгмийн хүртээмжийг нэмэгдүүлэхэд чиглэсэн чухал алхам юм.
Хөтөлбөрт хэн оролцож болох вэ?
- Хөгжлийн бэрхшээлтэй иргэд хамрагдах боломжтой.
- Хөтөлбөр нь Монгол Улсын хэмжээнд нээлттэй бөгөөд Улаанбаатар хотоос гадна 21 аймгаас өргөдөл ирүүлж оролцох боломжтой.
Хөтөлбөр хэзээ, хаана зохион байгуулагдах вэ?
- Байршил: Улаанбаатар хотын ойролцоох амралтын газарт.
- Хугацаа: 2025 оны 8 дугаар сарын 18-24-ний хооронд, 6 хоногийн турш.
Хөтөлбөрт хамрагдсанаар ямар боломжууд нээгдэх вэ?
Оролцогчид дараах давуу талуудыг хүртэнэ:
- Янз бүрийн салбарын тэргүүлэгчидтэй уулзаж, харилцаа холбоо тогтоох.
- Мэдлэг, туршлагаа хуваалцах, шинэ ур чадвар эзэмших.
- Нийгмийн оролцоог нэмэгдүүлэх боломжуудын талаар мэдээлэл авах.
- Улс төр, нийгэм, эдийн засаг, хөдөлмөр эрхлэлтийн чиглэлээр гүнзгий мэдлэгтэй болох.
- Хувь хүний хөгжил, сэтгэл судлал, сэтгэл хөдлөлийн менежментийн сургалтад хамрагдах.
- Мэргэжлийн удирдамжийн дор бичил төсөл боловсруулах ур чадвар эзэмших.
Хэрхэн бүртгүүлэх вэ?
- Өргөдлийн маягт: Энд дарж бөглөнө үү.
- Хугацаа: 2025 оны 8 дугаар сарын 3-ны 23:59 цаг хүртэл.
- Харааны бэрхшээлтэй иргэд бусдаас тусламж авч өргөдлөө бөглөх боломжтой.
Хөгжлийн бэрхшээлтэй ч нийгэмд өөрчлөлт авчиръя гэсэн хүсэл эрмэлзэлтэй залуусыг энэхүү хөтөлбөрт идэвхтэй оролцохыг уриалж байна.
