Засгийн газар иргэд, иргэний нийгмийн байгууллагуудын саналыг бодлого, шийдвэртээ тусгах зорилгоор D-GOV.mn цахим системийг ашиглалтад орууллаа.
Системийн үйл ажиллагаа
- Иргэн болон хуулийн этгээдээс гаргасан санал 30-аас доошгүй хоног системд байрлана.
- Тухайн саналд 20,000–100,000 иргэн дэмжиж, цахимаар санал өгсөн тохиолдолд Засгийн газрын хуралдаанаар хэлэлцэх үндэслэл болно.
- Журмын шаардлага хангасан санал, санаачилгын шийдвэрлэлтийн явцыг олон нийтэд нээлттэй харуулах аж.
Олон нийтийн оролцооны шинэ суваг
- “11-11” төв нь өргөдөл, гомдол хүлээн авдаг,
- “E-Mongolia” төрийн үйлчилгээг цахимаар хүргэдэг бол,
- D-GOV.mn нь иргэдийн санаачилгыг шууд төрийн шийдвэрт тусгах шинэ боломж гэдгээрээ ялгаатай.
Ингэснээр төрийн үйлчилгээний чанар, хүртээмж, бүтээмжийг нэмэгдүүлэх, инновац хөгжүүлэхэд олон нийтийн оролцоог бодитоор хангах нөхцөл бүрдэж байна.
Засгийн газрын шийдвэр
“Иргэдийн санал, санаачилгын цахим системийн талаар авах зарим арга хэмжээний тухай” тогтоолыг Засгийн газрын 2025 оны 9-р сарын 10-ны өдрийн хуралдаанаар баталжээ.
