2025 оны есдүгээр сарын 12-21-ний өдрүүд хүртэлх хугацааны цаг агаарын урьдчилсан таамаг. Есдүгээр сарын 13-нд төвийн болон зүүн аймгуудын бүс, 14-нд зүүн хэсэгт бороо, уул нуруудаар нойтон цас, 15-нд хойд хэсэгт хур тунадас орж, ихэнх газраар сэрүү орж, говь, тал, хээрийн бүсэд салхины нөлөө ажиглагдана гэж анхааруулж байна.
Хур тунадасны байдал
- Есдүгээр сарын 12: Баруун аймгуудын хойд хэсэг, төвийн аймгуудын зарим бүсэд бороо орно.
- Есдүгээр сарын 13: Төв болон зүүн аймгуудын ихэнх газар, говийн аймгуудын хойд хэсэгт бороо, уулаараа нойтон цас.
- Есдүгээр сарын 14: Зүүн аймгуудын зүүн хэсэг, баруун аймгуудын зарим бүс, төвийн аймгуудын баруун хойд хэсэгт бороо, уулаараа нойтон цас.
- Есдүгээр сарын 15: Нутгийн зарим газраар хур тунадас.
- Есдүгээр сарын 16: Халх голын сав газраар бороо.
- Есдүгээр сарын 20: Баруун аймгуудын зарим бүсэд бороо.
- Есдүгээр сарын 21: Зүүн аймгуудын хойд хэсэгт бороо, уулаараа нойтон цас.
Салхины байдал
Ихэнх хугацаанд ихэнх нутгаар секундэд 6-11 метр хүрэх салхи шуурна. Онцгой өдрүүдэд:
- Есдүгээр сарын 12: Алтайн салбар уулсаар салхи ширүүснэ.
- Есдүгээр сарын 13, 14: Говь, тал, хээрийн нутгаар салхины хурд нэмэгдэнэ.
- Есдүгээр сарын 15: Зүүн хагаст секундэд түр зуур 18-20 метр хүрч ширүүснэ.
Агаарын температур
Хугацааны эхэн үед сэрүү орж, Алтай, Хангай, Хөвсгөл, Хэнтийн уулархаг нутаг, Завхан, Заг-Байдрагийн голуудын эх, Идэр, Тэс, Тэрэлж голын саваар шөнөдөө 3-8 хэм хүйтэн, өдөртөө 4-9 хэм; говийн бүс нутгийн өмнөд хэсэгт шөнөдөө 6-11 хэм, өдөртөө 17-22 хэм; бусад нутгаар шөнөдөө 2 хэмийн хүйтнээс 3 хэмийн дулаан, өдөртөө 9-14 хэм дулаан байна. 17-ноос ихэнх нутгаар өдөртөө бага зэрэг дулаарна.
Улаанбаатар хотын орчимд
Есдүгээр сарын 13, 14-нд бороо, уулаараа нойтон цас, 15-нд хур тунадас орно. Ихэнх хугацаанд секундэд 5-10 метр салхи шуурна, 13, 14-нд секундэд 9-14 метр хүрч ширүүснэ. Агаарын температур сэрүүсч шөнөдөө Яармаг-Сонгины орчимд 0-5 хэм хүйтэн, бусад хэсэгт 2 хэмийн хүйтнээс 3 хэмийн дулаан, өдөртөө 8-13 хэм дулаан байна. 17-ноос бага зэрэг дулаарч шөнөдөө 1 хэмийн хүйтнээс 4 хэмийн дулаан, өдөртөө 12-17 хэм дулаан байна.
