Энэ талаар Bloomberg агентлагийн мэдээллээс иш татан Mongolnews24.com мэдээллээ.
Европт эрчим хүчний үнийн тогтвортой өсөлт нь эдийн засгийн уналтад (рецесс) хүргэнэ. АНУ-ын хувьд хий, газрын тосны үнэ нэмэгдэх нь Холбооны нөөцийн санг мухардалд оруулж маань; тэд инфляцыг хөөрөгдөж буй дайн болон хүүгээ бууруулахыг шаардах Ерөнхийлөгч хоёрын дунд хавчуулагдах болов.
Нөгөө талаас, БНХАУ Иранаас хямд үнээр газрын тос импортлохоо боливол Цагаан ордны татвар болон үл хөдлөх хөрөнгийн зах зээлийн уналтын дарамтыг улам нэмэгдүүлэх төлөвтэй байна.
Хамгийн муу хувилбар
Bloomberg-ийн таамаглаж буйгаар, нөхцөл байдал муугаар эргэж, дэлхийн нийт газрын тосны 20 орчим хувь дамждаг Ормузын хоолой удаан хугацаагаар хаагдвал үнэ дайны өмнөх үеэс 80%-иар өсөж, баррель нь 108 ам.долларт хүрч магадгүй. Үнэ оны дөрөвдүгээр улирал хүртэл өндөр түвшинд хадгалагдахыг үгүйсгэхгүй.
Тодорхойгүй байдлын хүрээ маш өргөн байна. Персийн булангийн эрчим хүчний дэд бүтцэд ихээхэн хохирол учирвал, жишээ нь “Saudi Aramco”-ийн байгууламжууд руу дроноор цохилт өгөх эсвэл зах зээлийн хариу үйлдэл хэт хүчтэй байвал үнэ үүнээс ч илүү өсөх боломжтой. Харин дэд бүтэц хэсэгчлэн сүйдэх эсвэл мөргөлдөөн богино хугацаанд үргэлжилбэл үнэ эрт буурч эхэлнэ.
Газрын тосны үнийн огцом өсөлт эдийн засагт хэд хэдэн сувгаар нөлөөлдөг. Үнэ өссөнөөр хэрэглэгч болон бизнесүүдийн зардал нэмэгдэж, худалдан авах чадвар буурна. Мөн тээвэр болон нефть химийн бүтээгдэхүүнтэй холбоотой бүх зүйлийн үнийг өсгөснөөр инфляцыг хөөрөгдөнө.
Трамп мөн улс төрийн эрсдэлтэй нүүр тулна. Инфляц болон гадаад дайны аль аль нь АНУ-ын сонгогчдын дунд нэр хүндгүй байдаг билээ.
Европын хямралын үр дагавар
Евро бүс болон Их Британийн хувьд өсөлтийн түүх илүү энгийн. Эрчим хүчний томоохон үйлдвэрлэгч байхгүй тул тэд ДНБ-дээ том цохилт авна. Европ мөн байгалийн хийн үнэд илүү өртөмтгий байдаг.
Bloomberg Economics-ийн загварчлалаар эрчим хүчний шок нь Евро бүсийн ДНБ-ийг 0.6%, Их Британийнхыг 0.5%-иар бууруулах үзүүлэлттэй байна.
Хятад бас ялагдагч уу?
Хятад бол газрын тосны томоохон импортлогч юм. Иран болон Венесуэл улсууд тус улсын худалдан авалтын багагүй хувийг бүрдүүлдэг байсан бөгөөд Хятад улс тэндхийн асуудлыг ашиглан хямдралтай үнээр тос авч чаддаг байв. Хэрэв газрын тос баррель нь 108 ам.долларт хүрвэл инфляцыг 0.8 нэгж хувиар өсгөнө.
Үнийн өсөлт нь Трампын тарифаас үүдэлтэй дарамт болон үл хөдлөх хөрөнгийн хөөс хагарах үйл явцыг улам хүндрүүлж болзошгүй юм.
Үнийн өсөлтөөс хэн хожих вэ
Газрын тос, хийн нийлүүлэлтийн саатлаас хожих тал нь Орос байх болно. Газрын тосны үнийн огцом өсөлт нь тус улсын төсвийн алдагдлыг арилгаж, Кремльд Украины эсрэг дайнд зарцуулах нэмэлт хөрөнгө олгоно.
Дунд зэргийн болон өөдрөг хувилбарууд
Хэт туйлшраагүй хувилбараар бол байлдааны ажиллагаа үргэлжлэх боловч эрчим хүчний дэд бүтцэд томоохон цохилт өгөхгүй, Ормузын хоолой удаан хаагдахгүй. Энэ тохиолдолд газрын тосны үнэ 80 ам.доллар орчимд хэлбэлзэнэ.
Ийм үед инфляц дунд зэргээр буюу АНУ-д 0.3 нэгж хувиар, Их Британи болон Евро бүсэд 0.5 нэгж хувиар өснө.
Хамгийн өөдрөг хувилбар нь АНУ болон Иран гал зогсоохоор тохиролцох явдал юм. Саатал багасаж, газрын тосны үнэ баррель нь 65 ам.доллар хүртэл буурна.
