Илон Маск-ийн үүсгэн байгуулсан xAI компанийн бүтээл болох Grok нэртэй хиймэл оюун ухаан одоо Telegram мессенжер-т албан ёсоор ашиглах боломжтой боллоо.
Энэ талаарх мэдээллийг тэрбээр өөрийн “X” (хуучнаар Twitter) платформ дээр албан ёсоор зарласан байна.
@GrokAI – зөвхөн Telegram Premium хэрэглэгчдэд
Grok нь одоогоор Telegram Premium хэрэглэгчдэд зориулсан хязгаарлагдмал хандалттай бөгөөд ботовыг @GrokAI нэрээр хайж олох боломжтой.
Энэ бол Grok хиймэл оюун ухааныг гуравдагч платформд нэвтрүүлж буй анхны тохиолдол юм.
Grok-ийн хөгжлийн товч түүх
- 2023 оны 7-р сард Илон Маск xAI компанийг албан ёсоор үүсгэн байгуулсан
- 11-р сард Grok-ийг хөгжүүлж, нэн түрүүнд “X” нийгмийн сүлжээнд нэвтрүүлсэн
- Эхэндээ зөвхөн Premium+ ($16/сар) хэрэглэгчдэд нээлттэй байсан
- 2024 оны 4-р сараас эхлэн Premium ($8/сар) хэрэглэгчид ч ашиглах боломжтой болсон
Grok нь хэрэглэгчийн асуултад өргөн хүрээний, хүний хэлбэртэй хариулт өгөхөөс гадна, заримдаа хошигнол, егөөдлийг ч оруулдаг онцлогтой гэж хэрэглэгчид дүгнэж байгаа юм.
