2025 оны зургаадугаар сарын 3-ны Мягмар гарагт болсон БНСУ-ын ерөнхийлөгчийн ээлжит бус сонгуульд Ардчилсан намын нэр дэвшигч И Жэ Мюн ялалт байгуулснаар өнөөдөр түүний таван жилийн бүрэн эрхт хугацаа албан ёсоор эхэллээ.
Өмнөд Солонгосын Үндэсний сонгуулийн хорооноос ялалтыг нь баталгаажуулсны дараа, нутгийн цагаар өглөөний 06:21 минутад И Жэ Мюний ерөнхийлөгчийн бүрэн эрх эхэлсэн бөгөөд тэрбээр ямар нэгэн шилжилтийн үе шатгүйгээр шууд албан үүргээ гүйцэтгэж эхэлсэн юм.
Шинээр сонгогдсон төрийн тэргүүн И Жэ Мюн улс орныг дайны онц байдлын улмаас үүссэн дотоод тогтворгүй байдал, эдийн засгийн уналтаас гаргах зорилго тавьж байгаагаа илэрхийлсэн. Мөн тэрээр дэлхий нийтэд ажиглагдаж буй хамгаалалт, дотоод үйлдвэрлэлийн чадавх нэмэгдүүлэх хандлагын хүрээнд Солонгосын эдийн засгийг сэргээх ажлыг эрчимжүүлэхээ мэдэгдэв.
61 настай И Жэ Мюн сонгуулийн дараах илтгэлдээ: “Эхний ажил бол бослогыг эрс шийдэмгий даван туулж, ард түмний эсрэг буу, сэлэм эргүүлж цэргийн эргэлт дахин хэзээ ч гарахгүй болгох явдал” гэж тодотгов.
Тэрбээр Ардын хүч намын нэр дэвшигч Юн Сок Ёлын онц байдлын мэдэгдлийг шүүмжилж, уг нам энэхүү улс төрийн хямралыг зохицуулж чадаагүйг онцлон тэмдэглэсэн юм.
Амлалтаа хэрэгжүүлж, ард иргэдийн амьдралыг дээшлүүлээсэй гэж найдаж байна
Залуу, эрч хүчтэй хүн байна. Одоо зөв бодлого хэрэгтэй