HLTV AWARDS 2025: МОНГОЛЫН ЦАХИМ СПОРТЫН ТҮҮХЭН ДЭХ ХАМГИЙН ТОМ АМЖИЛТ

Дэлхийн Counter-Strike-ын ертөнцийн “Оскар” гэгддэг HLTV Awards-ын 2025 оны нэр дэвшигчдийн жагсаалт албан ёсоор зарлагдлаа. Энэ жилийн шагнал гардуулах ёслол нь Монголын цахим спортын хувьд онцгой ач холбогдолтой болж байгаа нь “The MongolZ” багийн тоглогчид болон дасгалжуулагчид дэлхийн шилдгүүдтэй таван өөр ангилалд өрсөлдөхөөр нэр дэвшсэнтэй шууд холбоотой юм.

Шилдэг тоглогчдыг тодруулах энэхүү нэр хүндтэй шагналын төлөө манай багийн дараах төлөөллүүд өрсөлдөж байна:

• Оны шилдэг довтлогч (Senzu): Раундын эхний чухал довтолгоонуудыг зоригтой гүйцэтгэдгээрээ Мөнхболдын Азбаяр дэлхийн шилдэг “opener”-үүдийн нэгээр нэрлэгдлээ.
• Оны шилдэг мэргэн бууч (910): Банзрагчийн Өсөхбаяр AWP-той хийж буй гайхалтай тоглолтоороо дэлхийн хамгийн ур чадвартай мэргэн буучдын эгнээнд багтав.
• Оны шилдэг хамгаалагч (mzinho & Techno): Багийн хамгаалалтын найдвартай байдлыг ханган ажилладаг Батболдын Аюуш болон Мөнхболдын Содбаяр нар нэг төрөлд хамтдаа нэр дэвшсэн нь ховор амжилт юм.
• Оны шилдэг ахлагч (bLitz): Багаа ухаалгаар удирдан чиглүүлэгч Бямбасүрэнгийн Гарьдмагнай тактикийн өндөр ур чадвараараа шилдэг IGL болох боломжтой боллоо.
• Оны шилдэг дасгалжуулагч (maaRaa): Баянбатын Эрдэнэдалай багийг дэлхийн топ түвшинд хүргэж, төлөвшүүлсэн хөдөлмөрөө үнэлүүлж энэхүү төрөлд багтжээ.

Эдгээр нэр дэвшүүлэлтүүд нь манай тамирчдын хөлс хүч олон улсын тавцанд хэрхэн өндрөөр үнэлэгдэж буйн тод илрэл болж байна. Эцсийн дүн HLTV-ийн албан ёсны ёслолын ажиллагааны үеэр тодорхой болох бөгөөд манай багийнхан олон төрөлд ялалт байгуулна гэдэгт монголчууд итгэлтэй байна. 1xBet Монголын дэмжлэгтэйгээр олон улсын тэмцээнүүдэд эх орноо төлөөлөн гялалзаж буй манай баг тогтвортой амжилт, өвөрмөц тоглолтын арга барилаараа мэргэжилтнүүдийг гайхшируулсаар байгаа билээ. The MongolZ-ын залуустаа дэлхийн тавцанд эх орныхоо нэрийг улам өндөрт гаргахыг хүсэн ерөөе.