Хан-Уул дүүргийн Засаг даргын захирамжийн дагуу 2025 оны нэгдүгээр ээлжийн цэрэг татлагын үйл ажиллагаа тавдугаар сарын 2-4-ний өдрүүдэд Ерөнхий боловсролын 34 дүгээр сургуулийн байранд зохион байгуулагдаж байна. Энэ удаагийн цэрэг татлагаар Хилийн болон Дотоодын цэргийн нэгжүүдийг хугацаат цэргийн алба хаагчдаар нөхөн хангах юм.
Цэргийн албаны ач холбогдол
Хугацаат цэргийн алба хаах нь Монгол Улсын тусгаар тогтнол, бүрэн эрхт байдал, нутаг дэвсгэрийн халдашгүй дархан байдлыг хамгаалахад үнэтэй хувь нэмэр оруулдаг. Мөн залуусыг цэргийн эрдэмд суралцаж, бие бялдрын өв тэгш хөгжилтэй, хатуужилтай, тэсвэр тэвчээртэй иргэн болгон төлөвшүүлэх чухал алхам болдог.
Иргэдэд хандан
Зарлан дуудах мэдэгдэл хүлээн авсан цэргийн насны залуус Монгол Улсын Үндсэн хуулиар хүлээсэн үүргээ биелүүлж, хугацаат цэргийн албанд идэвхтэй хамрагдахыг Хан-Уул дүүргийн цэрэг татлагын комиссоос уриалж байна.
