Москва хотод болох томоохон тэмцээнд Монголын шилдэг тамирчин өрсөлдөнө
Монгол Улсын гавьяат тамирчин, ДАШТ-ий мөнгө, хүрэл медальт Т.Тулга ОХУ-ын мэргэжлийн бөхийн “PWL 10” тэмцээнд оролцохоор болжээ. Тэмцээн 2025 оны арванхоёрдугаар сарын 8-нд Москва хотын “Динамо” спорт цогцолборт болох юм.
“PWL 10” тэмцээн нь чөлөөт болон сонгомол бөхийн төрлөөр, эрэгтэй тав, эмэгтэй хоёр жингийн ангиллаар зохион байгуулагдана. Оросын шилдгүүд дэлхийн түвшний тамирчидтай өрсөлдөх уг тэмцээнд олимпын аварга Юи Сусаки, дэлхийн хошой аварга Нонока Озаки, NCAA-гийн хошой аварга Ник Ли зэрэг нэр алдартай бөхчүүд оролцох юм.
Т.Тулга Дагестаны аваргатай дахин нүүр тулна
Манай бөх Т.Тулга энэ удаа ОХУ-ын Дагестаны бөх, Тахтийн цомын аварга Далгат Абдулкадыровтой барилдах бөгөөд тэд өмнө нь 2025 оны тавдугаар сард болсон Али Алиевын нэрэмжит тэмцээнд таарч, Т.Тулга 8:2-оор ялж байсан туршлагатай.
Чөлөөт бөхийн төрөлд оролцох тамирчид
- Эмэгтэй 62 кг: Нонока Озаки (Япон) – Алина Касабиева (ОХУ)
- Эмэгтэй 53 кг: Юи Сүсаки (Япон) – Елизавета Смирнова (ОХУ)
- Эрэгтэй 61 кг: Нураддин Новрузов (Азербайжан) – Заур Угуев (ОХУ)
- Эрэгтэй 65 кг: Ник Ли (АНУ) – Магомедов Абасгажи (ОХУ)
- Эрэгтэй 70 кг: Т.Тулга (Монгол) – Далгат Абдулкадыров (ОХУ)
- Эрэгтэй 92 кг: Абубакр Абакаров (Азербайжан) – Камиль Куруглиев (Казахстан)
- Эрэгтэй 97 кг: Жонатан Айелло (АНУ) – Алихан Кцоев (ОХУ)
Монголын багийн хувьд Т.Тулгагийн энэ оролцоо бол дэлхийн мэргэжлийн бөхийн тавцанд өөрийн чансаагаа бататгах чухал тулаан байх юм.
