Францын Ерөнхийлөгч Эмманюэль Макроны шийдвэрээр томилогдсон Себастьен Лекорню 2025 оны есдүгээр сарын 10-наас эхлэн Ерөнхий сайдын үүрэгт ажилдаа оржээ. Түүнийг өмнө нь Зэвсэгт хүчний сайдаар ажиллаж байх үед нь туршлага, улс төрийн тогтвортой байдлыг харгалзан сонгосон байна.
Энэхүү өөрчлөлт нь парламентын доод танхим болох Үндэсний хурал өмнөх Ерөнхий сайд Франсуа Байругийн удирдсан Засгийн газарт итгэл үзүүлэхээс татгалзсаны дараа хийгдэв.
Лекорню 2017 оноос төрийн өндөр албан тушаалд ажиллаж эхэлсэн. Тухайн онд Эдуар Филиппийн Засгийн газарт Байгаль орчны яамны төрийн нарийн бичгийн даргаар ажилласан бол 2018 оноос нутгийн удирдлагын асуудал эрхэлсэн онцгой үүргийн сайдаар томилогджээ.
2020-2022 онд тэрээр Жан Кастексын Засгийн газарт далайн чанад дахь нутаг дэвсгэрийн асуудлыг хариуцсан яамыг удирдаж байв. Харин 2022 оны тавдугаар сараас Элизабет Борны танхимд Зэвсэгт хүчний сайдын албыг хүлээн авч, дараа нь дараалсан хэд хэдэн Ерөнхий сайдын бүрэлдэхүүнд уг үүргээ хадгалан үлдсэн байна.
Ийнхүү Лекорню Францын улс төрийн дээд түвшинд тогтвортой өсөлт үзүүлж, улмаар Ерөнхий сайдын албыг хүлээн авсан нь түүний улс төрийн карьерын шинэ шат болж байна.
