Өмнөд Солонгосын алдарт EXO хамтлагийн бүх гишүүд цэргийн албанаа дуусгасан тухай мэдээлэл гарлаа.
Mongolnews24.com мэдээлснээр, хамгийн сүүлд бямба гарагт (2025.09.20) тус хамтлагийн гишүүн Сэүн цэргээс халагджээ. Тэрээр 2023 оны арван хоёрдугаар сараас эхлэн цэргийн албыг нийгмийн үйлчилгээний ажилтнаар гүйцэтгэж байсан юм. Сэүн албанаа дуусгасан тухайгаа өөрийн Instagram хуудсанд стори нийтэлж, фэнүүддээ биечлэн дуулгасан байна. Тэрээр нийтлэлдээ:
- өөрийн нохой Виви-гийн зургийг,
- мөн студид авхуулсан зургийг оруулжээ.
Студийн зурагнаас харсан шүтэн бишрэгчид Сэүн хамтлагийнхаа эргэн ирэлтэд аль хэдийн бэлтгэлээ эхлүүлсэн байж магадгүй гэж таамаглаж байна.
Түүнчлэн EXO ирэх арванхоёрдугаар сард бүрэн бүрэлдэхүүнээрээ тайзнаа эргэн ирэхээр ажиллаж буйг албан ёсоор мэдэгджээ.
