УИХ-ын Төрийн байгуулалтын байнгын хорооны хуралдаанаар Монгол Улсын Ерөнхийлөгчөөс өргөн мэдүүлсэн “УИХ-ын гишүүн эгүүлэн татах” зохицуулалт бүхий Монгол Улсын Их Хурлын тухай хуульд нэмэлт, өөрчлөлт оруулах тухай хуулийн төсөл болон түүнтэй хамт өргөн баригдсан бусад хууль, тогтоолын төслүүдийг хэлэлцлээ. Ингэхдээ байнгын хорооны олонх уг асуудлыг дараагийн шатанд оруулах нь зүйтэй гэж үзсэн байна.
Хуралдаанд оролцсон 21 гишүүний 14 нь буюу 66.7 хувь нь төслийг дэмжиж, УИХ-ын чуулганы нэгдсэн хуралдаанаар хэлэлцүүлэх санал өгчээ. Харин 7 гишүүн уг хуулийн төслийг дэмжээгүй саналтай үлдсэн байна.
Төслийг дэмжээгүй гишүүд:
- Ж.Баярмаа
- Э.Болормаа
- Ц.Даваасүрэн
- Ч.Лодойсамбуу
- Э.Одбаяр
- Л.Оюун-Эрдэнэ
- Г.Уянгахишиг
Ингэснээр Ерөнхийлөгчийн өргөн барьсан уг төсөл байнгын хорооны босгыг давж, чуулганы хэлэлцүүлэгт шилжих нөхцөл бүрдсэн ч дотор нь тодорхой эсэргүүцэлтэй байр суурь мөн давхар илэрхийлэгдлээ.
