Авлигатай тэмцэх газар (АТГ) Ерөнхий сайд Л.Оюун-Эрдэнэ, түүний хүү О.Тэмүүлэн болон худ нарынх нь хөрөнгө орлогын эх үүсвэрт шалгалт хийж эхэлсэн талаар тус байгууллагын холбогдох албан тушаалтан мэдээлэл өглөө.
Тус шалгалтыг иргэн Ц.Лут-Очир тэргүүтэй иргэдийн тавдугаар сарын 13-нд АТГ-т гаргасан гомдол, мэдээллийн дагуу эхлүүлсэн байна. Уг өргөдөлд тансаг хэрэглээтэй холбоотой нөхцөл байдал болон хөрөнгө орлогын ил тод байдалд хяналт тавих шаардлага тавигдсан юм.
Шалгалтын хүрээнд:
- Ерөнхий сайдын хүү О.Тэмүүлэнгээс тайлбар мэдүүлэг авах ажиллагаа эхэлсэн
- Холбогдох бичиг баримт, нотлох мэдээллийг цуглуулж байна
- Ерөнхий сайд Л.Оюун-Эрдэнийн хөрөнгө, орлогын байдалд мөн хяналт шалгалт хийж эхэлсэн
Авлигатай тэмцэх газар нөхцөл байдалтай холбоотой нарийн мэдээлэл өгөх боломжгүй хэмээн мэдэгдэж байгаа бөгөөд шалгалтын ажиллагаа үргэлжилж буйг онцоллоо.
