Олон улсын сагсан бөмбөгийн холбоо (FIBA)-ноос зохион байгуулдаг эмэгтэй сагсан бөмбөгийн 2025 оны Азийн аварга шалгаруулах (B зэрэглэл) тэмцээн энэ жил долоодугаар сарын 13-20-ны хооронд Хятад улсад болох гэж байна.
Тус тэмцээний Зүүн бүсийн урьдчилсан шатны тоглолтууд Монгол Улсад зохион байгуулагдахаар болжээ. Энэхүү шатанд Монгол, Тайвань, Хонконгийн шигшээ багууд өрсөлдөнө.
Урьдчилсан шатны тоглолтын хуваарь:
- 2025.04.11. Тайвань – Хонконг
- 2025.04.12. Хонконг – Монгол
- 2025.04.13. Монгол – Тайвань
Энэхүү тэмцээнтэй холбоотойгоор Монголын шигшээ багийн өргөтгөсөн бүрэлдэхүүнийг зарласан байна.
2023 оны B зэрэглэлийн Азийн аваргад Монголын шигшээ баг Малайз, Иран, Индонезийн багуудад ялагдаж, Шри Ланкаг хожин 7-р байрт орж байсан. Энэ удаагийн урьдчилсан шатанд эх орондоо тоглох давуу талаа ашиглан илүү амжилт үзүүлэхийг багийн зүгээс зорьж байна.
