АНУ-ын Ерөнхийлөгч асан Дональд Трамп Tesla болон SpaceX компанийн үүсгэн байгуулагч Илон Маск-ийн татвар, төсвийн тухай хуулийн төсөлд хандан хэлсэн шүүмжлэлд хатуу хариу өглөө. Трампын хэлснээр, Маск улсын дэмжлэггүйгээр амьдрах боломжгүй байсан ба ийм тохиолдолд “өмнөх амьдралдаа буюу Өмнөд Африкт буцаж очих” хэрэгтэй болох байжээ.
“Илон, магадгүй түүхэнд хамгийн их субсидид хүлээн авсан хүн байх. Тэр дэмжлэгүүд байгаагүй бол бизнес нь дампуурч, Өмнөд Африк руугаа буцах байсан биз” хэмээн Трамп мэдэгджээ.
Сансаргүй, цахилгаан машингүй АНУ?
Трамп мөн: “Тэгсэн бол өнөөдөр ямар ч пуужин, хиймэл дагуул, эсвэл цахилгаан автомашин үйлдвэрлэл байхгүй. Харин ч улс орны зүгээс их хэмжээний мөнгө хэмнэх байлаа” хэмээн улсын татаасын үр нөлөөг шүүмжилсэн байна.
DOGE-г хүртэл хөндлөв
Трамп шүүмжлэлээ хошигнолтой өнгө аяс оруулж, мэдэгдлийн төгсгөлд: “Магадгүй энэ хуулийн төсөлд DOGE-ийг даалгавал яасан юм бэ?” хэмээн бичсэн нь Маскын дэмждэг криптовалют руу хандсан егөө байлаа.
Маскын зүгээс хатуу хариу ирсэн
Өмнө нь Илон Маск Конгрессыг төсвийн хуулийн төслийг батлахгүй байхыг уриалж, улс орны өрийг нэмэгдүүлж буйг шүүмжилсэн юм. Тэрээр: “Төсвийг бууруулах амлалтаар сонгогдсон ч хамгийн том өрийн өсөлтөд гар бие оролцсон Конгрессын гишүүд ичих хэрэгтэй. Би амьсгалах сүүлчийн агшин хүртэл тэднийг сонгуулийн урьдчилсан шатанд унагах болно” гэж мэдэгджээ.
Мөн “галзуу зардлын төсөл” батлагдвал “America Party” хэмээх шинэ улс төрийн хүч байгуулна хэмээн мэдэгдсэн.
Трампыг Эпштейний хэрэгт холбон шүүмжилсэн
Маск Трампыг Жеффри Эпштейнтэй холбоотой гэж шүүмжилсэн. Эпштейн нь насанд хүрээгүй хүүхдийг бэлгийн мөлжлөгт ашигласан хэрэгт холбогдож байсан нэгэн.
Хариуд нь Трамп Маскийг “галзуурсан” хэмээн нэрлэж, төрөөс олгодог бүх татаас, тэр дундаа SpaceX-д өгдөг гэрээнүүдийг цуцална гэж сүрдүүлсэн.
Гэсэн ч 6-р сарын 6-нд хоёр талын төлөөлөгчид утсаар ярилцсаны дараа зөрчил хэсэгчлэн намдсан тухай хэвлэлүүд мэдээлж байна.
