Саудын Арабын Аль Кассим хотноо засмал замын дугуйн Азийн аварга шалгаруулах 45 дахь удаагийн тэмцээн амжилттай зохион байгуулагдаж байна. Тэмцээний сүүлийн өдөр хамгийн их хүлээлт үүсгэсэн “Элит” ангиллын эрэгтэйчүүдийн бөөн гараатай 156 км-ийн уралдаан болох бөгөөд энэ нь тивийн шилдэг дугуйчдын жинхэнэ ур чадварыг шалгах сорилт болох юм.
Тус уралдааны талаарх дэлгэрэнгүй мэдээлэл:
- Гарааны цаг: Элит ангиллын тамирчид өнөөдөр буюу 2026 оны хоёрдугаар сарын 11-ний өдөр Монголын цагаар 14:00 цагаас уралдаанаа эхлүүлнэ.
- Оролцогчид: Энэ удаагийн уралдаанд Ази тивийн 21 улсын нийт 76 шилдэг тамирчин хурд хүчээ сорин өрсөлдөнө.
- Монголын баг: Үндэсний шигшээ багийн дараах таван шилдэг тамирчин эх орноо төлөөлөн оролцож байна:
- ОУХМ С. Жамбалжамц
- ОУХМ Б. Тэгшбаяр
- ОУХМ Б. Марал-Эрдэнэ
- ОУХМ Э. Болор-Эрдэнэ
- ОУХМ Б. Идэрболд
Азийн аваргын хамгийн нэр хүндтэй энэхүү төрөлд тивийн шилдэгүүд цугласан тул аваргын алтан медалийн төлөө туйлын ширүүн, сонирхолтой өрсөлдөөн өрнөх хүлээлттэй байна.
