Өнгөрсөн хэдэн долоо хоногт Нарны гадаргуу дээрх хүчтэй дэлбэрэлтүүдээс үүдэн дэлхийн соронзон орон идэвхтэй байсаар байна. Одоогоор идэвхтэй шуурга бүртгэгдээгүй ч 7-р сарын 23-ны өдөр геомагнитийн түвшин эрс нэмэгдэх төлөвтэй байгааг Meteoagent мэдээллээ.
Соронзон шуургын түвшин хэрхэн хэмжигддэг вэ?
Геомагнитийн идэвхжилтийн түвшинг K-индексээр хэмждэг. Энэ үзүүлэлт нь Дэлхийн соронзон орны хазайлт, өөрчлөлтийг гурван цаг тутамд хэмждэг бөгөөд 0-оос (маш тайван байдал) 9 хүртэл (хэт хүчтэй шуурга) оноогоор илэрхийлэгддэг.
K-индекс 5 болон түүнээс дээш гарсан тохиолдолд соронзон шуурга “улаан түвшин” буюу өндөр эрсдэлтэй гэж тооцогддог. Энэхүү индексийг дэлхийн дунд зэргийн өргөргийн бүсэд (44–60°) байрлах 13 обсерваторийн дундаж хэмжилтээр гаргадаг.
Геомагнитийн идэвх хүний биед хэрхэн нөлөөлдөг вэ?
Судалгаануудын дагуу соронзон шуургууд хүний биеийн биофизикийн тэнцвэрт байдалд нөлөөлдөг гэж үздэг. Тухайлбал:
- Цус өтгөрөх, судасны урсгал удаашрах,
- Зүрх судасны системд даралт хэлбэлзэх,
- Зүрхний хэмнэл алдагдах,
- Толгойн өвдөлт, мигрень нэмэгдэх зэрэг шинжүүд илэрдэг.
Мөн хүчтэй шуурганы үед тархины цусан хангамж муудаж, хүчилтөрөгчийн дутагдал үүсэх магадлалтай. Эмч нарын зүгээс энэ үед зүрх судасны өвчтэй, даралт ихтэй, мигреньтэй хүмүүст анхааралтай байхыг зөвлөж байна.
Метео мэдрэмтгий хүмүүст өгөх зөвлөмж
Соронзон шуурганы үед дараах зүйлсийг анхаарах хэрэгтэй:
- Физик ачааллаа багасгах, тайван байх,
- Ундаа, ус ихээр уух, халуун ургамлын ванн хийх,
- Сайн унтаж амрах (7–9 цаг),
- Ургамлын гаралтай, хөнгөн хоол идэх,
- Архи, кофе, хар цай, эрчимтэй энергийн ундаа хэрэглэхээс зайлсхийх.
Сэтгэл санаагаа тайван байлгаж, бие махбодоо хэт ачааллуулахгүй байх нь энэ үеийг амар тайвнаар даван туулах түлхүүр болно.
Сүүлийн үед би яг ийм толгой өвдөлт ихтэй байгаа, яагаад гэдгийг ойлгохгүй байсан. Одоо л ойлголоо. Баярлалаа ийм мэдээлэл өгсөнд
Соронзон шуурга гэж сонсож л байсан, гэхдээ ийм хүчтэй нөлөөтэй гэж бодоогүй. Эмээ маань зүрхний асуудалтай, одоо анхаарах хэрэгтэй юм байна