Маргаашаас салхи ширүүсч, шороон шуурга шуурна
Цаг уур, орчны шинжилгээний газраас мэдээлснээр маргааш буюу дөрөвдүгээр сарын 29-нд нутгийн зүүн хагаст салхи секундэд 15-17 метр хүрч ширүүсэх төлөвтэй байна. Үүний улмаас шороон шуурга шуурах бөгөөд нийт нутгаар сэрүүсэлт эхэлнэ.
Бороо, нойтон цас орох урьдчилсан төлөв
Энэ сарын 30-наас тавдугаар сарын 3-ныг хүртэл ихэнх нутгаар бороо болон нойтон цас орох төлөвтэй. Тухайлбал:
- 30-нд баруун аймгуудын нутгийн зарим газар, төвийн аймгуудын нутгийн баруун хэсэг, зүүн аймгуудын нутгийн зүүн хэсгээр;
- 5-р сарын 1-нд баруун болон төвийн аймгуудын нутгийн зарим газар, говийн бүс нутгийн баруун хэсгээр;
- 5-р сарын 2-нд баруун болон говийн аймгуудын өмнөд хэсэг, зүүн аймгуудын зарим газарт;
- 5-р сарын 3-нд баруун аймгуудын ихэнх нутаг, төвийн аймгуудын баруун хэсгээр бороо, нойтон цас орох урьдчилсан төлөвтэй байна.
Температурын өөрчлөлт
- Монгол-Алтай, Хангай, Хөвсгөл, Хэнтийн уулархаг нутаг болон томоохон голуудын хөндийгөөр шөнөдөө -5…-10 градус, өдөртөө +3…+8 градус дулаан байна.
- Их нууруудын хотгор болон говийн бүс нутгаар шөнөдөө +5…+10 градус, өдөртөө +17…+22 градус дулаан байх аж.
- Бусад нутгаар шөнөдөө -3…+2 градус, өдөртөө +10…+15 градус хэмээжээ.
Анхааруулга
Иргэд, малчид болон тээвэрчид сэрүүсэлт, шороон шуурга, бороо, нойтон цасны улмаас үүсэж болзошгүй хүндрэлээс сэргийлж, анхаарал болгоомжтой байхыг ЦУОШГ-аас анхаарууллаа.
