Канте баарны гадна энэ сарын 18-наас 19-нд шилжих шөнө гарсан зодооны хэрэгт холбогдоод буй “Говь” ХК-ийн захирал Б.Амарсайхан одоог хүртэл гадаадаас ирж, цагдаагийн байгууллагад мэдүүлэг өгөөгүй байгаа талаар ЦЕГ-аас мэдээллээ.
Тухайн хэрэгт холбогдсон Ц.Санжаачойпэл, Э.Тэмүүлэн, А.Алтан-Очир нарыг яллагдагчаар татан, 461 дүгээр ангид 30 хоногийн хугацаатай саатуулаад байгаа. Харин Б.Амарсайхан долдугаар сарын 21-нд хил давсан бөгөөд долдугаар сарын 27-нд Монголд ирнэ гэж байсан ч өнөөдрийг хүртэл ирээгүй байна.
Иймд түүнийг Интерполын “хөх булан”-гаар эрэн сурвалжлуулах хүсэлтийг холбогдох байгууллагад илгээжээ.
