Нийслэлийн цэцэрлэгт хүүхэд бүртгүүлэх хүсэлтийг 2025 оны наймдугаар сарын 4-нөөс наймдугаар сарын 18-ныг хүртэл “E-MONGOLIA” цахим системээр хүлээн авна.
2025-2026 оны хичээлийн жилд улс даяар 278,290 хүүхдийг сургуулийн өмнөх боловсролд хамруулах шаардлага бий болох бөгөөд үүнээс 135,582 хүүхэд нийслэлд бүртгэлтэй байна.
Нийслэлийн хүүхдүүдийн насны хуваарилалт:
- 2 настай: 30,304 хүүхэд
- 3 настай: 31,843 хүүхэд
- 4 настай: 35,698 хүүхэд
- 5 настай: 37,837 хүүхэд
Цэцэрлэгийн бүртгэлд тавигдах шаардлага:
- Иргэд өөрсдийн болон хүүхдийнхээ хаягийн мэдээллийг нягтлан, баталгаажуулсан байх ёстой.
- Хэрвээ хүүхэд өмнөх жил цэцэрлэгт хамрагдсан бол тухайн цэцэрлэгтээ “үргэлжлүүлэн явах” эсэхээ сонгоно.
- Хэрвээ шилжилт хөдөлгөөн хийх бол 2025 оны наймдугаар сарын 15-наас өмнө бүртгэлийн мэдээллийг баталгаажуулах шаардлагатай.
