Энэ сарын 7-ны өдрийн 15:30 цагийн орчимд Дорноговь аймгийн Замын-Үүд сумын нутаг дахь Чөлөөт бүсийн авто замд ноцтой зам тээврийн осол гарсан тухай дуудлага Цагдаагийн байгууллагад иржээ.
Осол хэрхэн болсон тухай:
Цагдаагийн байгууллагын урьдчилсан мэдээллээр:
- “Istana” маркийн тээврийн хэрэгслийн жолооч О нь
- “Toyota Sai” маркийн автомашинтай мөргөлдөж,
- Toyota Sai автомашинд зорчиж явсан 40 настай нэг иргэн газар дээрээ нас барсан байна.
Мөн уг автомашинд зорчиж явсан гурван хүн гэмтэл авсан нь тогтоогджээ.
Нас барсан иргэн цагдаагийн алба хаагч байжээ
Ослын улмаас амиа алдсан иргэн нь Замын-Үүд дэх сум дундын цагдаагийн хэлтэст алба хаадаг байсан бөгөөд тухайн үед албан үүргээ гүйцэтгэж яваагүй байж болзошгүй гэж эх сурвалжууд мэдээлж байна.
Цагдаагийн байгууллагаас мэдэгдэхдээ: “Хэргийг бүрэн бодитойгоор нотолж, шалтгаан нөхцлийг олон талаас нь шалгаж байна. Мөрдөн шалгах ажиллагаа холбогдох хууль журмын дагуу үргэлжилж байна” хэмээн мэдээлжээ.
