Сүүлийн өдрүүдэд “Буга хүн рүү дайрч байна” гэсэн гомдол, дуудлага эрс олширсон талаар мэдээлэл гарч байна. Жил бүрийн есдүгээр болон аравдугаар сард бугын үржил, ороо нийлгэний үе тохиодог бөгөөд энэ үед эр буга ууртай, түрэмгий болж, ойртон ирсэн эсвэл цочоосон хүн болон амьтанд дайрах, мөргөх зэрэг үйлдэл гаргах нь түгээмэл байдаг.
Богдхан ууланд аялж, зугаалж буй иргэд болон орчны бүсэд амьдардаг хүмүүсийг:
- Зөвхөн батлагдсан аяллын зам, маршрутаар явах
- Ойд эсвэл ууланд явахдаа дуу чимээ гаргах, зураг авах зэрэг эрсдэлтэй үйлдлээс зайлсхийх
- Амьтдыг цочоохоос сэргийлэхийг Богдхан уулын дархан цаазат газрын Хамгаалалтын захиргаанаас анхааруулж байна.
