Ирэх 10 дугаар сарын 1-7-ны хооронд Монгол Улс болон БНХАУ-ыг холбосон авто замын боомтууд түр хугацаанд ажиллахгүй. Энэ нь БНХАУ-ын үндэсний баярын өдрүүд тохиож байгаатай холбоотой юм.
БНХАУ 1949 оны аравдугаар сарын 1-нд үндэсний баярын өдрөө тэмдэглэхээр зарлаж, 1950 оноос хойш уламжлал болгон өргөн хүрээнд тэмдэглэсээр иржээ. Тиймээс тус улсын баярын өдрүүдэд хил орчмын хөдөлгөөн түр зогсож, Монголын боомтууд ч мөн адил хаагдах зохицуулалт хийгддэг.
Ингэснээр ирэх сарын эхний долоо хоногт хоёр улсын хооронд зорчих болон тээврийн хөдөлгөөнд тодорхой саатал гарч болзошгүй тул иргэд, аж ахуйн нэгжүүд төлөвлөгөөгөө урьдчилан зохицуулах шаардлагатай байна.
