Баянзүрх суманд 3.8 магнитудын газар хөдлөлт боллоо

2025 оны 8-р сарын 19-ний 11:47 цагт Хөвсгөл аймгийн Баянзүрх сумын нутагт 3.8 магнитудын хүчтэй газар хөдлөлт бүртгэгджээ.

Шинжлэх Ухааны Академийн Одон орон, геофизикийн хүрээлэнгийн мэдээлснээр, газар хөдлөлтийн голомт дараах байршлуудаас тодорхой зайд байв:

• Цагаан-Уул сумын төвөөс баруун хойд зүгт 55 км
• Цэцэрлэг сумын төвөөс зүүн хойд зүгт 59 км
• Баянзүрх сумын төвөөс баруун зүгт 60 км

Газар хөдлөлтийн хэмжилт ба нөлөө

Газар хөдлөлтийн хүчийг хоёр төрлөөр хэмждэг:

• Магнитуд: Газрын гүнд, хөдлөлтийн төв хэсгийн хүчийг хэмждэг.
• Балл: Газрын гадаргуу дээрх чичирхийллийн нөлөөг хэмжих шаталбар бөгөөд 12 хүртэл түвшинтэй.

Газар хөдлөлтийн нөлөөллийн онцлог:

• 1-3 балл: Чичирхийлэл бага мэдрэгдэнэ, аяга таваг, сав суулга бага зэрэг хөдөлнө.
• 4-5 балл: Хүмүүс сандарч, гэрлийн бүрхүүл чичирч, суурь муутай эд зүйлс унах, айдас мэдрэгдэнэ.
• 6-7 балл: Хүн тогтож зогсоход хэцүү, хаалга онгойхгүй, хана цуурч, цонхны шил хагарах, тавилга унах зэрэг болно.

Энэ удаагийн 3.8 магнитудын газар хөдлөлт нь хүнд мэдрэгдээгүй ч болзошгүй эрсдэлээс сэргийлэхийг мэргэжилтнүүд зөвлөж байна.