Таиландын нийслэл Бангкокт авто зам нурж, 50 метрийн гүн, 900 м² талбай бүхий том воронка бий болжээ. Аз болоход хүний амь үрэгдээгүй гэж Reuters мэдээлэв.
Нийгмийн сүлжээнд тарсан бичлэгт зам аажмаар сууж, ус зайлуулах хоолойгоор ус урсан, цахилгааны шонгуудыг дагуулан унаж байгааг харуулжээ. Инцидентийн үеэр ойролцоох эмнэлэг түр хугацаанд өвчтөн хүлээн авахаа зогсоосон байна.
Премьер-министр Анутин Чарнвиракугийн хэлснээр, газар доорх метроны барилгын шавар дотогш нэвчиж, улмаар нурсан байна. Бангкокын захирагч Чадчарт Ситтипунт нэмэхдээ хоолой цуурсан тул ус, цахилгаан дамжуулах шугамууд тасарсан гэжээ.
Эмнэлэгт ноцтой асуудал гараагүй ч ойролцоох цагдаагийн хэсэгт нөхцөл байдал аюултай хэвээр байгаа тул оршин суугчдыг нүүлгэн шилжүүлсэн байна. Авто замын хөдөлгөөнийг хааж, эрх баригчид нөхцөл байдлыг нарийн ажиглаж байгаа аж.
