Арабын Нэгдсэн Эмират улсын Аль-Айн хотод зохион байгуулагдсан шатрын эмэгтэйчүүдийн Азийн аварга шалгаруулах тэмцээнд Монгол Улсаас 12 шатарчин оролцож, оюун ухаанаа сорин өрсөлдлөө.
Энэхүү тэмцээний туршид тоглолтын өнгийг тэргүүлж явсан ОУМ Б.Мөнгөнзул сүүлийн, шийдвэрлэх өрөгтөө Энэтхэгийн шатарчин Вантика Агравалд ялагдсанаар есөн өргийн дараах дүнгээр Азийн дэд аваргаар шалгарлаа. Тэрбээр тэмцээний турш зөвхөн сүүлийн өрөгт ялагдсан бөгөөд энэ амжилтаараа 2025 оны Дэлхийн цомын тэмцээнд оролцох эрхийг давхар хүртсэн юм.
Монголын бусад оролцогчдын дундаас их мастер Б.Мөнгөнтуул 18 дугаар байрт бичигдэн тэмцээнээ дуусгав.
Энэ удаагийн Азийн аваргын алтан медалийг БНХАУ-ын төлөөлөгч хүртсэн байна.
