“Рейн-Рур 2025” Универсиад наадмын усанд сэлэлт болон волейболын тэмцээнүүд Герман улсын Берлин хотод үргэлжилж байна. Энэхүү наадмын хоёр дахь өдөр усанд сэлэлтийн төрөлд ОУХМ Батбаярын Энхтамир 200 метрийн өврөөр даллах сэлэлтийн 4-р гараанд оролцож, 1:50.26 цагийн амжилт үзүүлснээр 50 метрийн бассейнд Монгол Улсын шинэ рекордыг тогтоолоо.
Тамирчны товч танилцуулга:
- Нэр: Батбаярын Энхтамир
- Усанд сэлэлтээр хичээллэсэн хугацаа: 8 наснаасаа эхэлсэн
- Монгол Улсаа төлөөлөн олимпод оролцож байсан
- 100 метрийн сэлэлтийг 51 секундэд туулсан анхны монгол тамирчин
- 2018 онд Сибирийн цом тэмцээнээс медаль хүртсэн
Б.Энхтамирын энэ удаагийн амжилт нь түүнийг Монголын усанд сэлэлтийн спортын түүхэнд дахин нэгэн шинэ хуудсыг нээж буй шилдэг тамирчнаар тодруулж байна.
