Холливудын алдарт жүжигчин, олон сая хүний хайртай Коул Тернерийн дүрийг бүтээсэн Жулиан Макмэхон 2024 оны 7-р сарын 2-нд АНУ-ын Флорида мужийн Клийруотер хотод 56 насандаа нас баржээ. Түүний үхлийн шалтгаан нь удаан хугацаанд тэмцэж байсан хорт хавдар гэж гэргий Келли Макмэхон Deadline сэтгүүлд мэдээлсэн байна.
“Хайрт нөхөр минь Жулиан энэ долоо хоногт хорт хавдартайгаа хийсэн зоригтой тэмцлийнхээ дараа энх тайван нас барлаа. Тэр бол амьдралыг, хайртай хүмүүсээ, уран бүтээлээ чин сэтгэлээсээ хайрладаг хүн байсан. Бидэнд тайван салах ёс хийх цаг өгнө үү,” — хэмээн Келли Макмэхон мэдэгджээ.
Урлагийн замналын оргил
Жулиан Макмэхон Австралид төрж өссөн бөгөөд “Charmed” (Бүх эмэгтэй бол шулам) цувралд Коул Тернер буюу Фиби Холливеллийн дурлалт хар домчийн дүрээрээ олон улсад алдартай болсон. Энэ дүр нь түүний карьерын тэсрэлт болсон төдийгүй, тэрээр дараа нь:
- “Nip/Tuck” (Части тела) цувралд пластик мэс засалч Кристиан Троягийн дүрээр;
- “Fantastic Four” кинонд Доктор Думын дүрээр;
- “FBI: Most Wanted” цувралд агент Жесси ЛаКруа болж 3 улирал тоглосон;
- Netflix-ийн “The Residence” цувралд Австралийн Ерөнхий сайдын дүрийг бүтээжээ.
Хувийн амьдрал
Макмэхон амьдралдаа гурван удаа гэрлэсэн. Тэрээр Австралийн дуучин Данни Миноугийн нөхөр байж, дараа нь жүжигчин Брук Бернстэй гэрлэж, Мэдисон хэмээх охинтой болсон. 2014 онд Келли Паньягуа гэх бүсгүйтэй гэрлэн, амьдралынхаа сүүлийн мөчийг түүнтэй хамт өнгөрүүлжээ.
Жулианы гэр бүл, хамтран зүтгэгчид болон фэнүүд түүнийг гэрэл түгээдэг хүн байсан хэмээн дурсан, түүний бүтээсэн дүрүүдийг хүндэтгэн дурссаар байна.
