“Artemis II” даалгаврын хүрээнд “Орион” (Orion) хөлгийн багийнхны авсан сарны гэрэл зураг нийтлэгдлээ. Энэхүү зураг нь 1968 онд авсан алдарт гэрэл зургийн зохиомжийг бараг яг ижилхэнээр давтсан байна.
Энэ тухай Цагаан ордны “X” хуудсанд мэдээлжээ. Тус кадрт манай гараг сарны тэнгэрийн хаяаны цаагуур орж буй агшныг буулгасан бөгөөд уг гэрэл зургийг албан ёсоор “Эх дэлхийн жаргалт” (Earthset) гэж нэрлэсэн байна. Мэдээлэлд “Нөгөө талд байгаа хүн төрөлхтөн. Сарны алслагдсан тал дээрээс авсан анхны гэрэл зураг” хэмээн дурджээ.
Уг зураг нь сансар судлалын түүхэн дэх хамгийн алдартай бүтээлүүдийн нэг болох “Эх дэлхийн мандалт” (Earthrise) зургийн зохиомжтой бараг бүрэн нийцэж байгаа юм. “Эх дэлхийн мандалт” зургийг 1968 онд “Аполлон-8” хөлгөөр сарыг тойрон нисэж байхдаа сансрын нисгэгч Уильям Андерс буулгаж байсан түүхтэй.
“Artemis II” даалгавар 4 дүгээр сарын 1-ний өдөр Флорида мужийн Кеннедийн нэрэмжит Сансрын төвөөс хөөрсөн билээ. Ийнхүү хагас зуун жилийн дараа хүн төрөлхтөн сар руу дахин сансрын нисгэгчдээ илгээж байна. Сарны дагуулыг тойрон ниссэний дараа “Орион” хөлөг одоо Эх дэлхий рүүгээ буцаж байна.
