Стэнфордын их сургуулийн эрдэмтэд хүнийг илүү урт наслуулах боломжийг олгодог нэгэн өвөрмөц бүлгийн цусыг олж тогтоожээ. Уг цусыг эзэмшигчдийн дунд зүрх судасны өвчин тусах, судас бөглөрөх эрсдэл бага байдаг төдийгүй тэдний цусанд үрэвслийн процесс үүсгэдэг молекулууд цөөн байдаг аж. Энэ бол “тэг” буюу Rh-null бүлгийн цус болохыг Mongolnews24.com сайт Origo-оос иш татан мэдээллээ.
Энэ нь дэлхийн хамгийн ховор бүлгийн цус бөгөөд эритроцит дээр нь резус системийн ямар ч антиген байдаггүй онцлогтой. Ийм цусыг шинжлэх ухаанд “алтан цус” гэж нэрлэдэг байна. Статистик мэдээллээс үзэхэд урт насалсан хүмүүсийн дунд энэ бүлгийн цустай хүмүүс илүү олон байдаг нь судалгаагаар ажиглагджээ.
Гэсэн хэдий ч “алтан цус”-тай хүмүүст зарим бэрхшээл тулгардаг байна. Тухайлбал, тэдний бие цус алдалтад өртөмтгий байхаас гадна жирэмсэн үед цусны даралт ихсэх хандлага түгээмэл ажиглагддаг ажээ.
Судалгааны багийнхны тэмдэглэснээр цусны бүлэг бүр өөрийн гэсэн давуу тал болон эрсдэлийг дагуулдаг ч статистикийн хувьд “тэг” бүлгийн цустай хүмүүс илүү урт насалдаг байна. Гэхдээ бид цусны бүлгээ өөрсдөө сонгож чадахгүй ч амьдралын хэв маягаа сонгож чадна гэдгийг мартаж болохгүй. Буруу зуршил болон амьдралын буруу хэв маяг нь “алтан цус”-ны авчирдаг генетикийн бүх давуу талыг үгүй хийх эрсдэлтэй юм.
