Алдартай контент бүтээгч Эштон Халл өөрийн сошиал хуудсаар дамжуулан энэ сарын 16-19-ний хооронд Монголд айлчлахаа мэдэгдлээ. Тэрбээр 7-р сарын 14-ний өдөр Инстаграм, TikTok зэрэг платформ дээр нийтэлсэн өглөөний хэвшлийн бичлэгийнхээ тайлбарт “Монгол 07/16–07/19, удахгүй уулзая” хэмээн бичжээ.
Халл нь 2025 оны гуравдугаар сард өглөө бүр хийдэг дасгал хөдөлгөөний бичлэгээрээ олны анхаарлыг татаж, цахим орчинд мийм болон тархсан. Түүний хүнд дасгал, гүйлтийн бичлэгүүд олон хүний урам зоригийг бадрааж, спортлог амьдралын хэв маягийг түгээн дэлгэрүүлэх болсон юм.
Ийнхүү олон нийтийн дунд нэр хүнд олж авсны дараа зарим фэнүүд нь түүнийг алдарт стриймэр IShowSpeed-тэй уралдахыг уриалсан бөгөөд тэдний хоорондох уралдаан олон нийтийн дунд нэлээд шуугиан тарьсан. Энэ уралдаанд Халл ялагдсан ч, түүний тууштай байдал, эрч хүчийг олон хүн сайшааж байв.
Сонирхолтой нь, IShowSpeed мөн Монгол Улсад энэ оны эхээр зочлон стрийм хийж байсан нь олон үзэгчийн сонирхлыг татсан юм. Тиймээс Халлын айлчлал ч мөн адил анхаарал татаж, цахим хэрэглэгчид түүнийг Монголд хэрхэн цагийг өнгөрүүлэхийг сонирхон хүлээж байна.
