Он гарснаас хойш ам.долларын ханш шат дараатай өсөж, есдүгээр сард валют арилжааны төвүүдэд нэг ам.доллар 3610 төгрөгт хүрэн энэ оны дээд түвшиндээ дөхөөд байсан. Тухайн үед төгрөг суларч, импортоор бараа авдаг байгууллага, иргэдийн зардал нэмэгдсэн талаар эдийн засагчид онцолж байв.
Харин өнөөдрийн байдлаар Монголбанкийг албан ханшаар ам.доллар 3563 төгрөг болж, төв банкны түвшинд өмнөх өндөр дүнгээс буураад байна. Арилжааны банкуудын валютын ханш 3582–3585 төгрөгийн хооронд хэлбэлзэж байгаа бол валют арилжааны төвүүд дээр 3585–3588 төгрөгийн ханшаар ам.доллар арилжаалагдаж байна. Аравдугаар сараас хойш ханшийн огцом өсөлт саарч, төгрөгийн үнэ харьцангуй чангарч, зах зээл дээрх хэлбэлзэл бага зэрэг намдсан дүр зураг ажиглагдаж байна.
