“Тэнгисийн эрэг дээрх 24/7” шоуны хоёрдугаар улирлын оролцогчид болох Н.Тодбилэг, Б.Төгөлдөр (Трэй), Б.Нацаг болон А.Амаржаргал нар шоуны үеэрх дурсамжуудаасаа хуваалцлаа. Ярианы үеэр оролцогч А.Амаржаргал анх удаа нэвтрүүлгээс яагаад гэнэт гарсан тухайгаа дэлгэж, тухайн мөчийн мэдрэмжээ илэрхийлэв.
Түүний хэлснээр, шоуны урлагийн үзлэг болох үеэр өөрийг нь хүндэтгэх шалтгаанаар оролцох боломжгүй болохыг мэдэгдсэн байна. “Би тэр үедээ шууд явна гэж бодоогүй, бусдад баяртай гэж хэлээд явна гэж төсөөлж байсан. Гэхдээ нэвтрүүлгийн дүрмийн дагуу ийм боломж байхгүй байсан учраас өрөөнийхөө охидод үнэнээ хэлж чадалгүй, өөр шалтгаан хэлээд явсан” хэмээн ярьсан юм.
Шоуны оролцогчид хамгийн сэтгэл хөдөлгөм мөчүүдээ дурсахдаа:
- Н.Тодбилэг: “Манай хоёрын үерхэл эхэлсэн мөч. Намайг гуйж байхад нулимс дусах дөхсөн” хэмээн дурслаа.
- Б.Төгөлдөр (Трэй): “Маш их сандарсан. Гуйх үгээ урьдчилж бэлдсэн ч яг тэр үед мартаж орхисон” гэж хуваалцсан.
- А.Амаржаргал: Урлагийн үзлэгийн үдэш өөрт нь хамгийн сэтгэл хөдлөм байсан гэв.
- Б.Нацаг: “Шоунд шинээр орж ирсэн үе минь хамгийн гоё мөч байсан” хэмээн онцолжээ.
Шоуны оролцогчдын сэтгэл хөдлөл, нөхөрлөл, гэнэтийн шийдвэрүүд бүхий дурсамж энэ удаагийн ярилцлагад илүү гүн мэдрэмж нэмсэн юм.
