Цөмийн зэвсэгтэй орнуудын тоо нэмэгдэж байгаа нь дэлхий нийтийн эрсдэлийн дүр төрхийг өөрчилж, дэлхий ертөнцийг улам аюултай газар болгож байна. Америкийн домогт хөрөнгө оруулагч Уоррен Баффет CNBC сувагт өгсөн ярилцлагадаа ийнхүү анхааруулжээ.
“Миний бодлоор, ямар нэгэн байдлаар… ирэх 100 жил, магадгүй 200 жилийн дотор цөмийн зэвсэг ашиглахад хүргэх ямар нэгэн зүйл тохиолдох болно” хэмээн тэрбумтан үзэл бодлоо илэрхийлсэн байна.
Иран болон БНАСАУ-ын эргэн тойрон дахь хурцадмал байдал нь “сүйрлийн хувилбар” хэрэгжих магадлалыг нэмэгдүүлж байна гэж тэрээр үзэж байгаа юм. Баффет нэмж хэлэхдээ, “Иран улс цөмийн бөмбөгтэй болох нь бөмбөггүй байхаас хамаагүй илүү хүнд нөхцөл байдлыг үүсгэнэ” гэжээ.
Хөрөнгө оруулагчийн тэмдэглэснээр, хамгийн том аюул бол цөхөрсөн, эгзэгтэй байдалд орсон хүн цөмийн зэвсэг ашиглах боломжтой болох явдал юм.
