Жүдо бөхийн насанд хүрэгчдийн Азийн аварга шалгаруулах тэмцээн энэ удаа БНХАУ-ын ӨМӨЗО-ы Ордос хотод зохион байгуулагдах бөгөөд дөрөвдүгээр сарын 16-нд эхэлнэ. Тивийн хэмжээний энэхүү өрсөлдөөнд Монголын шигшээ баг бүрэн бүрэлдэхүүнээрээ оролцохоор болжээ.
Монголын жүдо бөхийн холбоо тус тэмцээнд хүч үзэх үндэсний шигшээ багийн нэрсийг албан ёсоор зарласан байна. Энэ удаад манай улсаас эрэгтэй, эмэгтэй тус бүр есөн жүдоч дэвжээнд гарах бөгөөд нийт 18 тамирчин өрсөлдөнө.
Монголын шигшээ багийн бүрэлдэхүүн:
- Эрэгтэй 60 кг — Т.Түмэнжаргал
- Эрэгтэй 66 кг — К.Ёолк, Ө.Жанцандорж
- Эрэгтэй 73 кг — О.Уранбаяр
- Эрэгтэй 81 кг — О.Шинэбаяр
- Эрэгтэй 90 кг — А.Мөнх-Эрдэнэ
- Эрэгтэй -100 кг — Ц.Ган-Эрдэнэ
- Эрэгтэй +100 кг — О.Цэцэнцэнгэл, Ө.Пэрэнлэйжамц
- Эмэгтэй 48 кг — Ж.Анударь
- Эмэгтэй 52 кг — М.Нандин-Эрдэнэ
- Эмэгтэй 57 кг — Т.Ариунзаяа, М.Цэндбазар
- Эмэгтэй 63 кг — Л.Энхрийлэн
- Эмэгтэй 70 кг — С.Лхагвадулам
- Эмэгтэй -78 кг — О.Хүслэн, Ж.Урангоо
- Эмэгтэй +78 кг — А.Адьяасүрэн
Тивийн аваргын дэвжээнд Монголын баг ийнхүү жин бүрт өрсөлдөхүйц бүрэлдэхүүнтэй оролцохоор болж, медалийн төлөө хүч сорихоор байна. Ордост эхлэх энэ удаагийн Азийн АШТ нь жүдочдын хувьд улирлын чухал сорилтуудын нэг болох юм.
