Японы Осака хотод зохиогдож буй мэргэжлийн сүмогийн хаврын тэмцээн (Хару башё) үргэлжилж байгаа бөгөөд Монголын 21 сүмоч оролцож байна. Гэвч өнөөдөр 74 дэх ёкозүна Хосёрю С.Бямбасүрэн тэмцээнийг орхихоор боллоо.
Гэмтэл авсан тул тэмцээнийг орхив
- Тэмцээний тав дахь өдөр Хосёрю баруун тохойндоо гэмтэл авч, бэртэл нь нэлээд хүндэрч болзошгүй гэж үзсэн тул дасгалжуулагчийнхаа зөвлөмжийн дагуу тэмцээнийг орхих шийдвэр гаргажээ.
- Дасгалжуулагч нь ёкозүнагийн хувьд олон уналт гаргах боломжгүй тул бүрэн эдгэрч, тавдугаар сарын башёд хүчтэй эргэн ирэх нь чухал гэж зөвлөсөн байна.
- Хосёрю 14 хоногийн турш эмчилгээ хийлгэж, нөхөн сэргэх шаардлагатай болжээ.
Сүүлийн 39 жилийн хугацаанд шинээр ёкозүна цол хүртсэн бөх Хару башёг дундаас нь орхисон тохиолдол анх удаа гарч байна.
Монгол бөхчүүдийн амжилт
- Макүүчи дивизионд Монголын Тамаваши Б.Мөнх-Оргил зургаан даваа авч, 50%-ийн амжилтад хүрэхэд ердөө хоёр даваа хэрэгтэй байна.
- Сайхакүхо, Тэнросэй С.Лувсангомбо нар дөрвөн даваатайгаар өөрсдийн дивизионуудын тэргүүлэгчдийн эгнээнд бичигдэж байна.
