3×3 сагсан бөмбөгийн Азийн аварга шалгаруулах тэмцээн энэ сарын 26-30-ны хооронд Сингапур улсад зохион байгуулагдана. Азийн 25 орны баг өрсөлдөх уг тэмцээний эрэгтэй А, эмэгтэй B хэсгийг Монголын шигшээ баг толгойлж тоглох боллоо. Монголын шигшээ баг дэлхийн чансааны оноогоор үндсэн тэмцээний хэсгийн шатанд шууд уригдан оролцож байна.
Монголын шигшээ багуудын хэсгийн оноолт
Эрэгтэй баг (А хэсэг):
- Монгол
- Сингапур
- Урьдчилсан шатнаас нэг баг нэмэгдэнэ
Эмэгтэй баг (B хэсэг):
- Монгол
- Тайланд
- Урьдчилсан шатнаас нэг баг нэмэгдэнэ
Хэсгийн шатны хамгийн өндөр оноотой хоёр баг шөвгийн наймд шалгарна. Эрэгтэй А хэсгээс шалгарсан багууд C хэсгийн багуудтай тоглох бөгөөд тус хэсгийг Япон, Австралийн шигшээ багууд тэргүүлж байна. Эмэгтэй B хэсгээс шалгарсан багууд D хэсгийн багуудтай тоглох бөгөөд D хэсгийг Австрали, Филиппиний шигшээ баг толгойлж байна.
Монголын шигшээ багийн бүрэлдэхүүн
Дэлхийн чансааг тэргүүлж буй Монголын эрэгтэй шигшээ баг:
- Ариунболдын Ананд
- Даваасамбуугийн Дэлгэрням
- Энхбатын Дөлгөөн
- Цогтын Отгонжаргал
Дэлхийн чансааны дэд байранд бичигдэж буй Монголын эмэгтэй шигшээ баг:
- Бат-Эрдэнийн Ариунцэцэг
- Эрдэнэбаянгийн Нарангоо
- Муратын Булбул
- Онолбаатарын Хулан
Монголын шигшээ багууд чансаагаараа тэмцээний гол фаворит багуудын тоонд зүй ёсоор тооцогдож байгаа тул энэ удаагийн Азийн аварга дээр амжилт үзүүлэх хүлээлт өндөр байна.
