Энэ жил уламжлалт үндэсний “Номын баяр” 38 дахь удаагаа зохион байгуулагдаж, есдүгээр сарын 19-21-ний өдрүүдэд Д.Сүхбаатарын талбайд өрнөхөөр товлогджээ.
Энэ удаагийн баяр нь зөвхөн уншигч, зохиолчдыг холбохоор зогсохгүй, арга хэмжээг санаачлан зохион байгуулдаг “Номын соёлт ертөнц” төрийн бус байгууллагын 20 жилийн ойтой давхцаж буйгаараа онцлогтой.
Хөтөлбөр, үйл ажиллагаа
Номын баярын өдрүүдэд:
- ном, соёлын олон талт арга хэмжээ,
- уншигч, зохиолчдын уулзалт,
- хүүхэд багачуудад зориулсан сонирхолтой хөтөлбөрүүдийг зохион байгуулах төлөвтэй байна.
38 дахь удаагийн “Номын баяр” нь ном унших соёлыг түгээн дэлгэрүүлэхээс гадна хүүхэд залуусын мэдлэг, сонирхлыг нэмэгдүүлэх чухал арга хэмжээ болох юм.
