Монгол Улсын Хөдөлмөрийн баатар, Ардын уран зохиолч Д.Пүрэвдоржийн алдарт “Тусгаар тогтнол” шүлгийг өнөөдөр буюу 2026 оны дөрөвдүгээр сарын 03-ны 15:00 цагт Сүхбаатарын талбайд эгшиглүүлэхээр боллоо. Нийт 3333 сурагч нэгэн зэрэг дуун түрлэг нэмж, эх орныхоо бүрэн эрхт байдал, үндэсний бахархлыг олон нийтэд тунхаглан зарлах юм.
Нийслэлийн Ерөнхий боловсролын “Оюуны ундраа” сургуулийн захирал С.Нэргүйдаваагийн санаачилгаар 2017 оноос эхэлсэн энэхүү арга хэмжээ өдгөө уламжлал болон тогтжээ. Жил бүр тасралтгүй зохион байгуулагдсаар ирсэн уг ёслол нь залуу хойч үедээ эх түүхээ дээдлэх, эх оронч үзлийг төлөвшүүлэхэд үнэтэй хувь нэмэр оруулж байна.
Уг үйл ажиллагааг зохион байгуулснаар дараах ач холбогдлуудыг бий болгодог хэмээн зохион байгуулагчид онцолж байна:
- Хүүхэд, багачуудын дунд эх оронч сэтгэлгээг бэхжүүлж, үндэсний эв нэгдлийн үнэ цэнийг ойлгуулах.
- Өвөг дээдсийн үлдээсэн өв соёл, үүх түүхийг судлах, танин мэдэх сэдлийг сурагчдад төрүүлэх.
- Тусгаар тогтнолын утга учрыг урлагаар дамжуулан нийгэмд сурталчлан таниулах.
Ийнхүү Төв талбайд мянга мянган сурагч нэгдэж, үндэсний эв нэгдлийн илэрхийлэл болсон найраг бүтээлийг цуурайтуулах гэж байна. Төв талбайг зорин ирсэн хэн бүхэн сурагчдын сүр жавхлант уншлагыг сонирхох боломжтой юм.
