Ирж буй амралтын өдрүүд буюу 3-р сарын 14, 15-ны өдрүүд билгийн тооллын хувьд тийм ч таатай биш байх төлөвтэй. Гэвч од эрхсийн зөвлөгөөг дагаж чадвал ямар нэгэн сөрөг үр дагавраас ангид байж болох юм.
3-р сарын 14-ний Бямба гарагт эргэн тойрны хүмүүс, тэр дундаа ойр дотнынхонтойгоо харилцахаас аль болох татгалзаж, ганцаараа байхыг зөвлөж байна. Зөвхөн анир гүм орчинд л та сэтгэлийн амар амгаланг олж, өөртөө болон амьдралд тань тулгарсан нөхцөл байдалд дүн шинжилгээ хийж чадна. Мөн энэ өдөр Ертөнцөөс илгээх дохио санамжийг анхааралтай ажиглаарай. Тэдгээр нь маш чухал байх тул үл тоомсорлож болохгүй. Эрч хүч бага байх тул хэт хүнд бус, хөнгөн ажил хийж өөрийгөө идэвхтэй байлгахад хангалттай.
3-р сарын 15-ны Ням гараг эрчим хүчний хувьд нэлээд хурцадмал байх бөгөөд санаанд оромгүй газраас үл ойлголцол, зөрчил үүсэж болзошгүй. Ялангуяа хайртай хүнтэйгээ харилцахдаа анхааралтай байж, бусдын түрэмгийлэлд хариу өгөлгүй, асуудлаас хол байхыг хичээгээрэй. Биеийн хүч барагдах талтай тул чухал бус зүйлд эрч хүчээ бүү үр. Гэхдээ өөрийгөө бүрэн тусгаарлахын оронд цэцэрлэгт хүрээлэнгээр зугаалах зэргээр идэвхтэй амрах нь зүйтэй. Цаг агаар ч үүнд таатай байх болно.
Энэхүү эгзэгтэй мөртлөө сонирхолтой өдрүүдэд хэн азтай байх вэ?
Үхэр Мэргэжлийн болон санхүүгийн хувьд чухал төсөл дээр удаан хугацаанд ажиллаж буй Үхрийн ордныхонд од эрхэс таатай мэдээ дуулгаж байна. Таны бэлтгэл ажил үндсэндээ дуусаж, барианы шугамандаа иржээ. Одоохондоо шууд ажилдаа орох хэрэггүй ч, гаргасан төлөвлөгөөгөө эцсийн байдлаар нягталж, дутуугаа гүйцээхэд хамгийн тохиромжтой. Ингэж чадвал таныг амжилт хүлээж байна.
Ихэр Ихрийн ордныхон хийх зүйл их байсан ч энэ амралтын өдрүүдийг зөвхөн амрахад зориулахыг зөвлөж байна. Гэрийн жижиг ажил ч байсан таныг ихээхэн ядрааж, хүлээсэн үр дүнг авчрахгүй. Харин найз нөхөд, төрөл төрөгсөдтэйгөө цагийг өнгөрөөвөл эерэг энерги авч, ирэх долоо хоногийн ажилдаа эрч хүчтэй орох нөөцөө бүрдүүлж чадна.
Матар Зүгээр сууж чаддаггүй, үргэлж ажил хайж байдаг Матрын ордныхон энэ өдрүүдэд өөрийгөө хязгаарлаж, амралтад анхаарах хэрэгтэй. Хэрэв та гэрээсээ гарч салхинд гарвал амьдралд тань чухал үүрэг гүйцэтгэх нэгэнтэй санаандгүй таарч магадгүй. Энэхүү танилцалт нь заавал хайр дурлал бус, харин үнэнч нөхөрлөлийн эхлэл байх магадлал өндөр юм.
