Энэхүү амралтын өдрүүд буюу 3 дугаар сарын 7 болон 8-ны өдрүүд билгийн тооллын 19 дэх хоногтой давхцаж байна. Энэ өдөр хоёр календарь дамнан үргэлжлэх бөгөөд хэдийгээр сөрөг энерги ихтэй гэгддэг ч идэвхгүй хэлбэрээр амарч, алжаалаа тайлахад нэн таатай.
Бямба, Ням гарагт хэрүүл маргаан, үл ойлголцол үүсэх магадлал өндөр тул дотны хүмүүстэйгээ харилцахдаа аль болох хянамгай байхыг одод анхааруулж байна. Хэрэв зайлшгүй уулзах шаардлага гарвал зөрчил үүсгэж болзошгүй эмзэг сэдвүүдийг хөндөхгүй байх нь зүйтэй.
Эдгээр өдрүүдэд анхаарал болгоомжгүй алхам хийвэл өмнө нь олж авсан амжилт, ололтоо алдах эрсдэлтэй. Мөн бусдад хууртах эсвэл өөрөө өөртөө хий хоосон найдвар төрүүлж төөрөгдөх магадлалтай тул бодит байдлыг эрүүл нүдээр харахыг хичээгээрэй. Бусдад харагдах байдалдаа хэт анхаарч, байгаагаасаа өөр хүн болж жүжиглэх нь таныг эвгүй байдалд оруулж мэднэ. Харин өөртөө болон бусдад үнэнч байж чадвал нэр хүндээ бататгаж, нийгэмд эзлэх байр сууриа бэхжүүлэх боломжтой.
Хэт аминч үзэл гаргахаас зайлсхийх хэрэгтэй. Зөвхөн өөрийгөө бодох нь таныг эрчим хүчний “урхинд” оруулж, ганцаардахад хүргэж болзошгүй юм. Тэгвэл энэхүү эгзэгтэй мөчид аль ордныхонд аз тохиох вэ?
Хонины орд
Хонины ордныхонд урьд өмнө нь хүрч чадахгүй байсан “оргилдоо” гарах ховор боломж тохионо. Хэдий амралтын өдрүүд ч гэлээ энэхүү боломж нь зөвхөн гэр бүл, ахуйн асуудал биш, харин карьер болон санхүүгийн амжилттай холбоотой байх магадлалтай. Ажлын өдрүүдэд ийм таатай нөхцөл тэр бүр бүрдэхгүй тул цаг заваа бүү харамлаарай. Одод таны талд байна.
Хилэнцийн орд
Энэ амралтын өдрүүдэд найз нөхөдтэйгөө уулзах, болзоонд явах боломжтой цорын ганц орд бол Хилэнц юм. Хувийн харилцаа, тэр дундаа хамтран амьдрах эсвэл гэрлэлтээ албан ёсоор батлуулах зэрэг чухал шийдвэр гаргахад маш тохиромжтой. Гол нь үйл явдлыг бүү яаруул, бүх зүйлийг зөнгөөр нь орхивол нөхцөл байдал таны хүссэнээс ч илүү таатайгаар эргэх болно.
Загасны орд
Амралтын өдөр товлогдсон ч гэлээ ажил хэргийн уулзалтаас бүү татгалзаарай. Албан бус орчинд уулзсанаар ажлын өдрүүдэд хэдэн долоо хоног зарцуулах асуудлыг ердөө хэдхэн цагийн дотор шийдэх боломж бүрдэнэ. Өөрийн байр сууриа хэт тулгах хэрэггүй, тэгвэл хамтрагчид тань өөрсдөө зөв дүгнэлтэд хүрч, таны хүссэн үр дүн гарах болно. Танд зөвхөн үр дүнд нь баярлах л үлдэх нь ээ.
